Të veprohet

Shëndeti mendor është i çmuar dhe meriton po aq vëmendje sa shëndeti fizik. Prandaj, është e nevojshme ta pyesim veten se çfarë mund të bëjmë për një kujdes të duhur që të ndjehemi mirë.

Çfarë mund të bëj për t'u ndier mirë?

Ja 10 mundësi që mund t’ju ndihmojnë për të arritur një gjendje mirëqenieje:

  1. Të flisni: për emocionet, problemet dhe për përjetimet e juaja me familjen, me të afërmit ose komunitetin, për t’u liruar nga stresi dhe për të gjetur këndvështrime ose zgjidhje të reja. Ju bënë mirë të flisni dhe të këmbeni mendime në gjuhën amtare.
  2. Të merrni pjesë/të angazhoheni: në një komunitet, në qendrat ose shtëpitë e lagjes, në kurse gjuhe/vallëzimi/këndimi/sporti etj., duke ndarë me të tjerët dëshirat, interesimet, frikësimet ose shpresat për gjërat që i keni për zemër, duke marrë pjesë në projekte të bashkësisë, etj.
  3. Mos u dorëzoni/Përballoni krizat e jetës: Koha është çelësi për t’i gëlltitur krizat e jetës (tronditjet, dhimbjet, traumatizmat), duke u përqendruar në aktivitete jetësore dhe duke i dhënë kohë vetes dhe të tjerëve, duke pranuar përkrahjen që ju ofrohet. Për shembull, kuptimi i sistemit administrativ nuk është gjithmonë i thjeshtë.
  4. Ta pranoni veten ashtu si jeni: Ta njihni trupin tuaj dhe sinjalet e tij për të marrë vendime të mira për ju, të përcaktoni kufijtë, pikat e forta dhe të dobëta dhe t’i pranoni ato.
  5. Të praktikoni aktivitete krijuese: për të shprehur dëshirat, frikësimet ose mendimet e ndryshme që janë të vështira për t’u shprehur, për t’u çliruar nga tensionet, për t’u relaksuar dhe për të rifituar energji. Bëni aktivitete që ju pëlqejnë, ato që keni bërë në vendin nga keni ardhur, ose gjeni një vend për veten për të krijuar dhe eksploruar.
  6. Të relaksoheni: Të qenurit në qetësi dhe relaksimi mund të ndihmojë për të vlerësuar më mirë gjërat dhe njerëzit si dhe për të marrë vendime të menduara mirë. Gjeni kohë për veten, bëni aktivitete vetëm, pa praninë e fëmijëve për t’u shkëputur nga jeta familjare dhe për t’u rimbushur (resursuar).
  7. Të mësoni gjëra të reja: mësoni gjuhën e vendit pritës për të dalë nga rutina, për ta përforcuar vetëbesimin, për t’i zhvilluar idetë tuaja, për të fituar lidhur me pavarësinë dhe autonominë, për të takuar njerëz me përvoja të ngjashme dhe për të krijuar lidhje. Nëse mësoni gjëra të reja mund të jenë stimuluese dhe përfituese dhe mund të krijoni ndjesinë e përparimit.
  8. Të mbeteni aktiv: për t’i larguar mendimet e mundimshme, për ta çliruar presionin dhe për të dalë nga korniza e një jete stresuese, rekomandohet që çdo ditë të bëni ndonjë  aktivitet, të paktën 30 minuta, ose 2 orë e gjysmë në javë.
  9. Të mbeteni në kontakt me miqtë: ju ndihmon të dilet nga rutina dhe shtëpia si dhe të njoftoheni me njerëz të rinj. Shkëmbimi me miqtë ndihmon të ndiheni i dëgjuar,i mbështetur dhe kritikat eventuale ndihmojnë të përmirësoheni, të gjeni zgjidhje, të jeni më mendjehapur dhe t’i hapni perspektivat
  10. Të kërkoni ndihmë: për të mos u ndier i lënë pas dore respektoni dhe njihni kufijtë tuaj. Kërkoni ndihmë nëse disa demarshe nuk i keni të qarta dhe për ta zhbllokuar situatën. Ndihma e ndërsjellë me prindërit dhe e rrethit miqësor për shembull, ju ndihmon. Kërkimi i ndihmës përballë pengesave të jetës nuk është një shenjë dobësie, po përkundrazi është shenjë e kurajës.
    Bonus: të ngrënit e shëndetshëm dhe të përzgjedhja e një mjedisi të qetë, pa ekrane dhe pa stres gjatë ngrënies, kontribuon gjithashtu për të pasur një gjendje mirëqenieje.

Rëndësia e komunitetit

Në disa faza kur ndodhin ndryshime të mëdha, siç është ardhja në një vend të ri ose njohja me një kulturë të re, është e zakonshme të ndiheni të vetmuar, të izoluar, dhe ndonjëherë edhe pak të humbur. Për t’i përballuar këto momente, bashkatdhetarët mund t’ju ofrojnë një mbështetje të vlefshme: mund të flisni në gjuhën amtare, të merrni dhe shkëmbeni informata ose këshilla që mundësojnë lehtësimin e procedurave administrative ose integrimin në përgjithësi. Ata ofrojnë gjithashtu mundësinë për të bashkëbiseduar me njerëz që kanë kaluar përvoja të ngjashme. Ngjarjet që i ndani me komunitetin ofrojnë mundësinë për t’u takuar, për të ndarë momente gëzimi, për t’iu shmangur rutinës së përditshme dhe për t’u liruar nga presionet. Kështu, komuniteti bëhet një burim i rëndësishëm për t’u përballur më mirë me sfidat e jetës, ndonjëherë të vështira, dhe për t’u ndier më mirë.
Megjithatë, komuniteti nuk duhet të jetë burimi i vetëm. Është thelbësore të jesh i gatshëm për kontakte me pjesën tjetër të shoqërisë së vendit pritës, duke takuar dhe këmbyer mendime me njerëz të rinj, si për shembull, me fqinjët. Këto takime ndihmojnë për ta zbutur vetminë dhe ndikojnë që të ndjeheni më mirë.

Këshilla për jetën e përditshme

Ky website përmbledh disa propozime për ta bërë jetën e përditshme më të këndshme (këshilla, ushtrime dhe programe yoga, broshura informuese, etj.).

Këtu  janë përmbledhur të gjitha informacionet e nevojshme në fushat e jetës së përditshme (shëndeti, sigurimi social, shkolla dhe trajnime, etj.).

Kjo broshurë përmbledh aspektet e ndryshme të sistemit shëndetësor zviceran.

Ndihma dhe shoqatat mbështetëse në Zvicër

Ka disa shoqata që janë në dispozicionin tuaj dhe ofrojnë ndihmë:

Për një ndihmë juridike:

Pengesa e mosnjohjes së gjuhës

  • Në rast se nuk e njifni gjuhën është e vështirë t’i kontaktoni shoqatat ose organizatat. Shoqatat për ndihmë (për shembull Caritas, Kryqi i Kuq dhe OSAR) mund t’ju ofrojnë shërbimin e përkthyesve që të arrini të komunikoni në gjuhën e juaj amtare.
  • Ekzistojnë gjithashtu shërbime të përkthyesve ku i gjeni në faqen www.inter-pret.ch që ofrojnë përkthyes në gjuhën e folur. Ata mund t’ju ndihmojnë në takimet administrative, mjekësore ose ligjore.
  • Komunitetet lokale gjithashtu mund të ofrojnë mbështetje për procedurat administrative ose për shembull për t’i kontaktuar mjekët.
  • Ekzistojnë gjithashtu aplikacione falas që mund të jenë të dobishme për përkthim dhe komunikim:

Shoqatat dhe organizatat sipas kantonit

Fribourg

Genève

Jura

Neuchâtel

Tessin

Valais

Vaud

Traumatizmi

  • Kjo video ofron këshilla për t’iu shmangur ndikimin e traumatizmit  gjatë jetës së përditshme
  • Një udhërrëfyes ndihmë  për refugjatët është përgatitur gjithashtu në gjuhë të ndryshme për të ndihmuar të kapërcehen përvojat traumatike të përjetuara. Janë grumbulluar ushtrime për t’u ndier mirë këtu si dhe ushtrim yoga