عمل کول

روانی روغتیا ارښتناکه ده او د فزیکی روغتیا په څیر پاملرنی ته اړتیا لری. له همدی امله لازمه ده چی له خپل ځانه څخه وپوښتوچی د روانی روغتیا د ساتنی اود ښه احساس لرلو لپاره څه کولای شو.

د ښه احساس درلودلو لپاره باید څه وکړم؟

هغه لس کړنلاری چی کولی شی د هوساینی حالت تر لاسه کولو کی تاسو سره مرسته وکړی ، په لاندی ډول دی :

  • خبری کول : د خپلو احساساتو، ستونزو او تجربو په اړه له خپلی کورنی ، نږدی کسانو او یا د خپلو وطنوالوسره خبری کول په دی خاطر چی فشارونه کم شی او نوی لیدلوری یا د حل لاری ولټول شی. په مورنی ژبی خبری کول او غږیدل ، د ښه احساس لرلو باعث ګرځی.
  • ګډون او برخه اخیستل : په یوی ټولنی، د ګاونډیانو په مرکزونو ، د ژبی/ نڅا / سندری /سپورټ او د زده کړی په ټولګیو کی برخه اخیستل , د خپلو هیلو، علاقه مندیو ، ویری یا امیدونو شریکول ، د ټولنیزو پروژو په تر سره کولو کی ګډون کول او داسی نور.
  • نه تسلیمیدل/ د ژوند بحرانونو حلول : وخت او زمان د ژوند د بحرانونو ( بدو پیښو، غم او ټروما )د زغمولو لپاره ډیر اساسی رول لری. په ضروری فعالیتونو تمرکز وکړی، ځان او نورو ته وخت ورکړی او هغه کومک ومنی چی تا سوته وړاندی کیږی. د مثال په توګه د اداری سیستم پوهیدل اسانه کار نه دی.
  • دخپل ځان منل په هغه توګه چی یاست : خپل بدن او د هغه نښی په سم ډول وپیژنی تر څو په خپله گټه سم تصمیم ونیسی،خپل محدودیتونه، خپل د قوت اود ضعف ټکی ومومی او هغه ومنی.
  • د ابتکاری فعالیتونو تر سره کول : د خپلو هیلو، ویری یا نورو هغه افکارو د څرګندولو لپاره چی بیان یی ستونزمن وی، د فشار لیری کولو، د ارامی او بیا ځواک مندلو لپاره ، هغه فعالیتونه تر سره کړی چی ستاسو خوښیږی او پخوا مو په خپل هیواد کی تر سره کول. تاسو باید داسی یو ځای ولری چی په هغه کی وکولی شی ځان ته وخت ولری تر څو پلټنی وکړی او نوی شیان مینځ ته راوړی.
  • راحت موندل : د سکون او ارامی حالت او دشیانو او خلکو ښه ارزونه ، سړی سره مرسته کوی چی سمی پریکړی وکړی . خپل ځان ته یو څه وخت ورکړی، کله یوازی او پرته له ماشومانو فعالیتونه تر سره کړی تر څو یو څو ښیبی د کورنی ژوند نه ځان وباسی او بیرته لازمه انرژی تر لاسه کړی.
  • نوی شیان زده کول : د ورځینی ژوند څخه د وتلو، د ځان درناوی زیاتولو د خپلو نظریاتو د پراختیا لپاره. د ژبی زده کول د خپلواکی او خپل اختیار ترلاسه کولو لپاره مرسته کوی او همدارنګه له هغو خلکو سره د پیژندګلوی زمینه برابره وی چی د  ورته تجربی خاوندان دی. نوی شیان زده کول هڅونکی او ارزښناک کیدی شی او تاسو ته د پرمختګ احساس درکولای شی.
  • فعال پاته کیدل : د ذهن ارامولو، دفشار لیری کولواو له ستړیا وړ چاپیریاله وتلو لپاره . په ورځ که دیرش دقیقی او یا په یوه اونی کی دوساعته او دیرش دقیقی دفزیکی فعالیت سپارښتنه کوو.
  • له ملګرو سره د اړیکو ساتل : دا د ورځینی ژوند او کور څخه د وتلو او نوی خلکو سره د لیدو فرصت برابروی. له ملګرو سره خبری اتری ، سړی ته د اوریدو او ملاتړ احساس ورکوی. د نیوکو اوریدل او منل کولی شی تاسو ته د غوره کیدو، د حل لارو موندلو او ستاسو د ذهن او لید پراخولو کی مرسته وکړی.
  • د مرستی غوښتل : ددی په خاطر چی نور ځان یوازی احساس نه کړی، خپل محدودیتونه و پیژنی اوویی منی. کله چی ځینی کارونه تا سو ته روښانه نه وی ، د کومک او مرستی غوښتنه وکړی تر څو ستونزه حل کړی (دبیلګی په توګه دمیندو او پلرونو تر مینځ د متقابلو مرستو شبکه).د ژوند د خنډونو سره دمقابلی لپاره د مرستی غوښتنه د کمزوری نښه نه ده بلکی دا ډیره زړورتیا غواړی.
    اضافه وړاندیز : صحی ډوډی وخوری او ارامه چاپیریال غوره کړی، د خوړلو پر مهال د سکرینونو او فشار څخه ځان لری وساتی دا به ستاسو د هوساینی حالت ته وده ورکوی.

د ټولنی اهمیت

په ځینو انتقالی مرحلو لکه په یو نوی هیواد کی استوګنه یا د نوی کلتوراشنا کیدو سره ، سړی، ځان یوازی ، ګوښه او حتی کله ورک احساسوی.

د دی شیبو نه د وتلو په منظور، ټولنه د یو قیمتی ملاتړ سرچینه ګرځیدای شی.دلته تا سو کولی شی په خپله مورنی ژبه خبری وکړی، د معلوماتو او مشورو د لاس تر راوړو لپاره له یو بل سره خبری اتری وکړی او دا کار به په اداری پروسیجر پوهیدو او ستاسو عمومی ادغام په اړه اسانتیاوی برابری کړی.

ټولنه، تاسو ته دا امکان برابره وی چی له هغو کسانو سره اړیکی ونیسی چی تاوسو ته ورته تجربی یی تیری کړی دی. په ټولنه پیښو کی ګډون او د خوشحالی د ښیبو شریکول، د ورځنی ژوند څخه د وتلو او فشار کمولو لپاره شه فرصت برابره وی. پدی توګه، تولنه د ژوند په ځینو پړاوو کی، د سختو ننګونو سره د ښی مقابلی لپاره یوه مهمه سرچینه ګرځی او د سړی د هوساینی احساس لوړوی.

خو ټولنه باید یوازینی  سرچینه نه وی. لازمه ده د کوربه هیواد ټولنی ته هم ځان چمتو کړی. له نویو خلکو سره لیدنه وکړی. د مثال په توګه خپلو ګاونډیانو سره اړیکی ونیسی. دا اړیکی د یوازیتوب احساس کموی او ستاسو لپاره ګټور دی.

د ورځنی ژوند لپاره مشوری

دا ویب پاڼه د ورځنی ژوند د ښه والی په منظور بیلابیلی( مشوری، د یوګا تمرینونه او پروګرام، تبلیغاتی پاڼی او نور) وړاندیزونه را غونډ کړی دی.

دلته د ورځنی ژوند ( روغتیا، ټولنیز امنیت، ښوونځی او زده کړی او نور ) اړوند ټول لازم معلومات تر لاسه کولی شی.

دا بروښور (تبلیغاتی پاڼه) په مختصره توګه د سویس هیواد د روغتیایی سیستم د بیلابیلو اړخونو د څرنګوالی لنډیز وړاندی کوی.

په سویس کې د مرستو او ملاتړ ټولنې

په سویس کی د مرستی او ملاتړ خدمات د لاندو ټولنو له خوا تر سره کیږی:

 

دحقوقی مرستو لپاره :

دژبی خنډ

  • له انجمنونو او سازمانونو سره اړیکی نیول د ژبی د خنډ له امله ستونزمن کیدای شی. د مرستی انجمنونه لکه کولی شی ترجمانان یا ژباړونکی وګماری تر څو په مورنی ژبه هر چا ته د Caritas, Croix-Rouge,OSAR, مرستی زمینه برابره شی.
  • د  www.inter-pret.ch په ویب پاڼه کی د ژباړنی په برخه کی د خدماتو د وړاندولو لیست موجود دی. له دوی نه کولی شی د اداری،طبی یا حقوقی ملاقاتونو په جریان کی کومک وغواړی.
  • ځایی ټولنی هم کولی شی په اداری چارو او د یا هم د ډاکټرانو سره د اړیکی نیولو په څیر مواردو کی مرسته وکړی.
  • همدارنګه ځینی وړیا اپلیکیښونه هم شته چی د ژباړی او اړیکو لپاره ګټور ثابتیدای شی.

سازمانونه او ټولنی په هر کانتون کی

Fribourg – فریبورګ

Genève – ژنیو

Jura – ژورا

Neuchâtel – نوشاتل

Tessin – تیسن

  • Antenna MayDay : د انسانانو د قاچاق پر وړاندی د مرستی پلاتفورم
  • Casa Astra : د بی غږو خلکو لپاره جنبش
  • SOS Ticino : دمرستی او قانونی مشوری خدمات

Valais – والیس

Vaud – وود

عمومی ګټور معلومات

  • Croix Rouge Suisse : د سویس سور صلیب – په ورځنی ژوند کی مرسته
  • Brochure d’information :  د مهاجرینو او موقتا منل شویو کسانو لپاره معلوماتی پاڼی
  • Vidéo d’information په سویس کی د ورځنی ژوند په هکله معلوماتی ویدیوګانی
  • La page fide د ژبی د مختلفو تصدیق شویو کورسونو یو لیست

ټروما

  • دغه ویډیو په ورځنی ژوند کی د ټروما د تاثیراتو د مخنیوی لپاره مشوری درکوی.
  • د پناه غوښتونکو لپاره د مرستی یو لار ښود په مختلفو ژبو جوړ شوی چی له دوی سره د ژوند د دردناکو تجربو په لری کولو کی مرسته وکړی.په دی لارښود کی د ښه احساس درلودو تمرینونه او همدارنګه د یوګا تمرینونه شامل دی.